annamayya kīrtana vande vāsudevaṃ
vande vāsudevaṃ bṛndārakādhīśa
vandita padābjam ||
indīvaraśyāma mindirākucataṭī-
candanāṅkita lasatcāru deham |
mandāra mālikāmakuṭa saṃśobhitaṃ
kandarpajanaka maravindanābham ||
dhagadhaga kaustubha dharaṇa vakṣasthalaṃ
khagarāja vāhanaṃ kamalanayanam |
nigamādisevitaṃ nijarūpaśeṣapa-
nnagarāja śāyinaṃ ghananivāsam ||
karipuranāthasaṃrakṣaṇe tatparaṃ
karirājavarada saṅgatakarābjam |
sarasīruhānanaṃ cakravibhrājitaṃ
tiru veṅkaṭācalādhīśaṃ bhaje ||