mantra puṣpam
yo’உpāṃ puṣpaṃ veda’ puṣpa’vān prajāvā”n paśumān bha’vati | candramā vā apāṃ puṣpam” | puṣpa’vān prajāvā”n paśumān bha’vati | ya evaṃ veda’ | yoஉpāmāyata’naṃ veda’ | āyatana’vān bhavati |
agnirvā apāmāyata’nam | āyata’navān bhavati | yo”gnerāyata’naṃ veda’ | āyata’navān bhavati | āpovā agnerāyata’nam | āyata’navān bhavati | ya evaṃ veda’ | yo’உpāmāyata’naṃ veda’ | āyata’navān bhavati |
vāyurvā apāmāyata’nam | āyata’navān bhavati | yo vāyorāyata’naṃ veda’ | āyata’navān bhavati | āpo vai vāyorāyata’nam | āyata’navān bhavati | ya evaṃ veda’ | yo’உpāmāyata’naṃ veda’ | āyata’navān bhavati |
asau vai tapa’nnapāmāyata’nam āyata’navān bhavati | yo’உmuṣyatapa’ta āyata’naṃ veda’ | āyata’navān bhavati | āpo’ vā amuṣyatapa’ta āyata’nam |āyata’navān bhavati | ya evaṃ veda’ | yo’உpāmāyata’naṃ veda’ | āyata’navān bhavati |
candramā vā apāmāyata’nam | āyata’navān bhavati | yaḥ candrama’sa āyata’naṃ veda’ | āyata’navān bhavati | āpo vai candrama’sa āyata’nam | āyata’navān bhavati | ya evaṃ veda’ | yo’உpāmāyata’naṃ veda’ | āyata’navān bhavati |
nakṣtra’trāṇi vā apāmāyata’nam | āyata’navān bhavati | yo nakṣtra’trāṇāmāyata’naṃ veda’ | āyata’navān bhavati | āpo vai nakṣa’trāṇāmāyata’nam | āyata’navān bhavati | ya evaṃ veda’ | yo’உpāmāyata’naṃ veda’ | āyata’navān bhavati |
parjanyo vā apāmāyata’nam | āyata’navān bhavati | yaḥ parjanya’syāyata’naṃ veda’ | āyata’navān bhavati | āpo vai parjanyasyāyata’nam | āyata’navān bhavati | ya evaṃ veda’ | yo’உpāmāyata’naṃ veda’ | āyata’navān bhavati |
saṃvatsaro vā apāmāyata’nam | āyata’navān bhavati | yaḥ sa’ṃvatsarasyāyata’naṃ veda’ | āyata’navān bhavati | āpo vai sa’ṃvatsarasyāyata’naṃ veda’ | āyata’navān bhavati | ya evaṃ veda’ | yo”உpsu nāvaṃ prati’ṣṭhitāṃ veda’ | pratyeva ti’ṣṭhati |
oṃ rājādhirājāya’ prasahya sāhine” | namo’ vayaṃ vai”śravaṇāya’ kurmahe | sa me kāmān kāma kāmā’ya mahyam” | kāmeśvaro vai”śravaṇo da’dātu | kuberāya’ vaiśravaṇāya’ | mahārājāya nama’ḥ |
o”ṃ tadbrahma | o”ṃ tadvāyuḥ | o”ṃ tadātmā |
o”ṃ tadsatyam | o”ṃ tatsarvam” | o”ṃ tat-purornamaḥ ||
antaścarati bhūteṣu guhāyāṃ viśvamūrtiṣu
tvaṃ yaṅñastvaṃ vaṣaṭkārastva-mindrastvagṃ
rudrastvaṃ viṣṇustvaṃ brahmatva’ṃ prajāpatiḥ |
tvaṃ tadāpa āpo jyotīrasoஉmṛtaṃ brahma bhūrbhuvassuvarom |
īśānassarva vidyānāmīśvara ssarvabhūtānāṃ
brahmādhipatir-brahmaṇoஉdhipatir-brahmā śivo me astu sadā śivom |
tadviṣnoḥ paramaṃ padagṃ sadā paśyanti
sūrayaḥ divīvacakṣu rātataṃ tadvi prāso
vipasyavo jāgṛhān satsamindhate
tadviṣnorya-tparamaṃ padam |
ṛtagṃ satyaṃ pa’raṃ brahma puruṣa’ṃ kṛṣṇapiṅga’lam |
ūrdhvare’taṃ vi’rūpā’kṣaṃ viśvarū’pāya vai namo nama’ḥ ||
oṃ nārāyaṇāya’ vidmahe’ vāsudevāya’ dhīmahi |
tanno’ viṣṇuḥ pracodayā”t ||
oṃ śāntiḥ śāntiḥ śānti’ḥ |