śrī veṅkaṭeśvara vajra kavaca stotram
mārkaṇḍeya uvāca
nārāyaṇaṃ parabrahma sarvakāraṇa kārakaṃ
prapadye veṅkaṭeśākhyāṃ tadeva kavacaṃ mama
sahasraśīrṣā puruṣo veṅkaṭeśaśśiro vatu
prāṇeśaḥ prāṇanilayaḥ prāṇāṇ rakṣatu me hariḥ
ākāśarāṭ sutānātha ātmānaṃ me sadāvatu
devadevottamopāyāddehaṃ me veṅkaṭeśvaraḥ
sarvatra sarvakāleṣu maṅgāmbājāniśvaraḥ
pālayenmāṃ sadā karmasāphalyaṃ naḥ prayacchatu
ya etadvajrakavacamabhedyaṃ veṅkaṭeśituḥ
sāyaṃ prātaḥ paṭhennityaṃ mṛtyuṃ tarati nirbhayaḥ
iti śrī veṅkaṭesvara vajrakavacastotraṃ sampūrṇam ||