अन्नमय्य कीर्तन त्वमेव शरणम्
त्वमेव शरणं त्वमेव शरणं कमलोदर श्रीजगन्नाथा ॥
वासुदेव कृष्ण वामन नरसिंह श्री सतीश सरसिजनेत्रा ।
भूसुरवल्लभ पुरुषोत्तम पीत- कौशेयवसन जगन्नाथा ॥
बलभद्रानुज परमपुरुष दुग्ध जलधिविहार कुञ्जरवरद ।
सुलभ सुभद्रा सुमुख सुरेश्वर कलिदोषहरण जगन्नाथा ॥
वटपत्रशयन भुवनपालन जन्तु- घटकारकरण शृङ्गाराधिपा ।
पटुतर नित्यवैभवराय तिरुवेङ्कटगिरिनिलय जगन्नाथा ॥